आश्विन १२, त्रिभुवन विश्व विद्यालयले २०५८ देखि र सेमेष्टर प्रणाली अन्तर्गत २०६९ देखिका समयसीमा कटेका परीक्षार्थीहरूलाई एक पटकका लागि मौका परीक्षाको अवसर दिएको छ ।
त्रि वि ले मानविकी तथा सामाजिकशास्त्र, शिक्षा, व्यवस्थापन, कानुन संकाय र विज्ञान तथा प्रविधि अध्ययन संस्थान अन्तर्गतका विद्यार्थीहरूको हकमा वार्षिक प्रणाली अन्तर्गत २०५८ देखि र सेमेष्टर प्रणाली अन्तर्गत २०६९ देखिका समयसीमा कटेका परीक्षार्थीहरूलाई एक पटकका लागि मौका परीक्षाको अवसर दिने भएको हो ।
साथै सूचना प्रकाशित गर्दै त्रि.वि.बाट सञ्चालन हुने जुनसुकै तहको परीक्षामा AI प्रयोग गरिएको भेटिएमा परीक्षा रद्द हुने समेत जनाएको छ ।
सूचनामा भनिएको छ :
''आज मिति २०८१/०६/०७ गते त्रि.वि.परीक्षा सुधार समितिका अध्यक्ष एवं शिक्षाध्यक्ष प्रा.डा.खड्ग के. सी. ज्यूको अध्यक्षतामा बसेको बैठकले तपसिल बमोजिमका निर्णय गरेकोले सम्बन्धित सबै पक्षलाई जानकारी गराइन्छ ।
त्रि.वि.बाट सञ्चालन हुने जुनसुकै तहको परीक्षामा AI प्रयोग गरिएको भेटिएमा परीक्षा रद्द हुने र त्रि.वि. अन्तर्गतका मानविकी तथा सामाजिकशास्त्र, शिक्षा, व्यवस्थापन, कानुन संकाय र विज्ञान तथा प्रविधि अध्ययन संस्थान अन्तर्गतका विद्यार्थीहरूको हकमा वार्षिक प्रणाली अन्तर्गत २०५८ देखि र सेमेष्टर प्रणाली अन्तर्गत २०६९ देखिका समयसीमा कटेका परीक्षार्थीहरूलाई एक पटकका लागि मौका परीक्षाको अवसर दिइने व्यहोरा सूचित गरिन्छ ।''
No comments:
Post a Comment